Байцы палка Каліноўскага зладзілі сустрэчы з лідаркаю дэмакратычнай Беларусі Святланаю Ціханоўскаю. Пра онлайн-сустрэчу полк паведаміў у сваім тэлеграм-канале.
Полк Каліноўскага зладзіў онлайн-сустрэчу з Святланаю Ціханоўскаю. Мэтаю было данесці Святлане Ціханоўскай пазіцыю байцоў палка ў справе вызвалення Беларусі. Ваяры перакананыя, што Беларусь можна вызваліць толькі сілавым шляхам.
Іншых падрабязнасцяў сустрэчы пакуль не паведамляюць.
«Пакуль няма што каментаваць, сустрэча была для знаёмства з перспектываю на будучыню», – цытуе выданне «Зеркало» словы байцоў палка.
У палку Каліноўскага таксама адзначаюць, што спадзяюцца на пазітыўныя перспектывы.
«Вызваліць Беларусь мы можам толькі разам. Нам трэба размаўляць і аб’ядноўвацца. Кожны працуе ў сваім кірунку. Каліноўцы сёння змагаюцца не толькі за Украіну, але і за свабодную Беларусь. Мы падтрымліваем іх працу і ўсіх тых, хто працягвае барацьбу», – распавялі ў прэсавай службе Офісу Ціханоўскай.
Таксама Святлана Ціханоўская дадала, што падзякавала добраахвотнікам за гераізм.
Алена Аляксандрава belsat.eu