Падчас разгляду дапамогі Украіне з боку Еўразвязу, у Бруселі агучылі прапанову вылучыць Кіеву 18 млрд еўраў у наступным годзе. Супраць такой пастановы выступіла Вугоршчына, піша Associated Press.
Будапэшт наклаў вета на пакет фінансавай дапамогі Кіеву ў памеры 18 млрд еўра. У выніку краіны ЕЗ распрацавалі тэхнічны план, каб працягнуць дапамогу Украіне ў наступным годзе. Палітыкі агучваюць меркаванне, што Еўразвяз знойдзе магчымасць дапамагчы Украіне нават без узгаднення з Вугоршчынай.
Пры гэтым злоўжыванне правам вета з боку прэм’ер-міністра Вугоршчыны Віктара Орбана ў ЕЗ разглядаюць як спробу шантажаваць Брусель, паколькі раней Будапэшт не атрымаў мільярды еўраў на аднаўленне краіны пасля пандэміі каронавіруса, а таксама праз тое, што не зладзіў рэформы ў краіне.
Алена Аляксандрава belsat.eu