Міхаіл Юдзін жыў з Валерыяй у грамадзянскім шлюбе 15 гадоў, мае дваіх дзяцей. Каб жонка мела магчымасць хадзіць да яго на спатканні і перадаваць перадачы, давялося распісацца афіцыйна.
Гарадзенскага прадпрымальніка Міхаіла Юдзіна асудзілі на 4 гады пазбаўлення волі за «гвалт у дачыненні міліцыянта» на акцыі пратэсту 27 верасня 2020 года. Паводле абвінавачання, ён ударыў амапаўку кулаком у галаву і нагою па назе, потым ударыў іншага байца АМАПу нагою па целе, рукою па руцэ і рукою па галаве. Ён жа заяўляў, што пабачыў, як «людзі ў чорнай вопратцы» цягнулі чалавека па вуліцы, зрабіў ім заўвагу – і ў яго пырснулі нейкім рэчывам і заламалі рукі, адвялі ў аўтобус і пабілі.
У Міхаіла Юдзіна на волі засталіся двое дзяцей і грамадзянская жонка Валерыя, з якой ён жыў разам 15 гадоў. Пара распісалася ў гарадзенскай турме № 1. Здымкаў вяселля за кратамі няма, але фота рыхтавання да вяселля апублікаваў блогер Вадзім Ермашук:
АА belsat.eu
