У Беларусі знайшлі адразу тры новыя «экстрэмісцкія фармаванні». У двух з іх – журналісты

Міністэрства ўнутраных справаў заявіла аб прызнанні трох незалежных ад уладаў структураў «экстрэмісцкімі фармаваннямі». Пра гэта паведамляе праваабарончы цэнтр «Вясна».

Міністэрства ўнутраных справаў Беларусі зладзіла на аэрадроме Ліпкі тактычна-спецыяльныя вучэнні для разгону вулічных пратэстаў. На здымках можна пабачыць спецтэхніку, якая выкарыстоўвалася супраць мірных пратэстоўцаў у 2020 годзе: штурмавыя загараджальныя комплексы «Рубеж», вадамёты і іншыя машыны.

Фота: pressmvd / Telegram

У прыватнасці, статус «экстрэмісцкага фармавання» атрымаў беларускі спартовы праект «Tribuna». Таксама такімі прызнаныя журналісцкі праект «6TV Bielarus» і арганізацыя былых сілавікоў «BelPol».

У рашэнні КДБ адносна прызнання «6TV Bielarus» «экстрэмісцкім фармаваннем», фігуруюць прозвішчы Дзмітрыя Салаўёва, Уладзіміра Лапцэвіча і Аляксандра Буракова. Да «BelPol» адносяцца: Андрэй Астаповіч, Уладзімір Жыгар, Мацвей Купрэйчык і Аляксандр Кабанаў.

У спіс «Экстрэмісцкія фармаванні» дадаюць аб’яднанні людзей розныя сілавыя структуры і суды, пераважна Міністэрства ўнутраных справаў і Камітэт дзяржаўнай бяспекі. Крытэры размытыя: каб трапіць у спіс, дастаткова нават «прызнаваць магчымасць экстрэмізму ў сваёй дзейнасці».

Якуб Хруст belsat.eu