Паслявыбарчы крызіс у Беларусі працягваецца ўжо больш за 459 дзён. За гэты час шмат што памянялася, людзі стаміліся і сутыкнуліся з адчаем. Але ў гэтыя цяжкія часы менавіта салідарнасць людзей з розных частак свету дадае веры ў лепшае. Беларусы за межамі радзімы ладзяць натхняльныя акцыі, падзяляюць боль адзін аднаго і проста перадаюць прывітанні дадому.
Беларусы Філадэльфіі, прадстаўнікі Association of Belarusians in America (ABA) на запрашэнне гораду сустрэліся з мясцовымі ўладамі ў Philadelphia City Hall.
Падчас сустрэчы Беларусы перадалі гораду сцяг Філадэльфійскай суполкі і дамовіліся аб узаемным супрацоўніцтве. Адным з сумесных праектаў Беларускай дыяспары і гарадскіх уладаў стане святкаванне Дня Волі 2022 у Філадэльфіі. Таксама абмяркоўвалася магчымасць узняцця Беларускага БЧБ на галоўным флагштоку гораду.
4 лістапада беларусы зладзілі акцыю ў Варшаве каля офісу Інтэрполу.
«Мы не толькі выказалі свае патрабаванні вусна, але і аднеслі пісьмовую версію петыцыі для таго, каб паведаміць кіраўніцтва аб нашых намерах.
Мы патрабуем прыпыніць супрацу з рэжымам Лукашэнкі!
У нядзелю на акцыі мы зноў будзем падпісваць петыцыю для таго, каб адправіць яе ў Сакратарыят Інтэрполу ў Ліёне. Беларусы Варшавы заклікаюць беларускія дыяспары ў іншых краінах і гарадах таксама адпраўляць зварот у сакратарыят і выходзіць на акцыі да бюро Інтэрполу. Жыве Беларусь!»
4 лістапада адбылася традыцыйная акцыя беларусаў Лондану каля Нарвежскай амбасады з заклікам перастаць фінансаваць тэрор у Беларусі праз кампанію Яра.
У Ерусаліме прайшла сустрэча і ўшанаванне памяці растраляных паэтаў 29 кастрычніка 1937 года ў Менску, бо кожны чацвёрты растраляны быў габрэем.
Вечар беларускай паэзіі ў сэрцы Балонні прысвечаны беларускім паэтам, сапраўдным патрыётам і ахвярам рэпрэсій.
30 кастрычніка 2021 года Беларусы Ірландыі правялі мітынг ушанавання памяці ахвяраў «Чорнай ночы».
Мітынг памяці адбыўся каля мемарыяла The Proclamation Sculpture ў гонар лідараў і аўтараў ірландскага абвяшчэння незалежнасці, якія былі асуджаны на смерць і забіты.
«Мы помнім! Мы не даруем!»
Беларусы Грузіі зладзілі акцыю памяці ахвярам у Курапатах у 1937 годзе.
Беларусы в Коўне ушанавалі памяць Клаўдзія Сцяпанавіча Дуж-Душэўскага, стваральніка эскізу БЧБ-сцяга.
1 лістапада ў Бельгіі памянальны дзень, калі ўсе ідуць на могілкі да родных і блізкіх!
З году у год беларуская дыяспара традыцыйна збіраецца каля магілы вядомага беларускага кампазітара Міколы Равенскага, аўтара гімну Магутны Божа, які пахаваны у Лёвене.
«Памяць – гэта наша сумленне, гэта наша спадчына, гэта гарантыя нашага існавання».
31 кастрычніка ва Вроцлаве адбылася акцыя, прысвечаная Дзядам. Кожны год на Беларусі адбывалася традыцыйнае шэсце ў месцы памяці. Сёння мы ўзгадваем усіх загінулых пад час падзей 2020-2021 года. Пад час акцыі былі зачытаны імёны загінулых, запалены лампадкі і адбылася мінута цішы. Яны жывуць у нашай памяці.
У Варшаве адбылося традыцыйнае восеньскае шэсце Дзяды. Беларусы Варшавы прайшлі гэты шлях у знак павагі ды памяці продкаў і беларусаў, якія загінулі ад рук рэжыму Лукашэнкі.
«Гэта быў добры досвед узаемадзеяння людзей з рознымі палітычнымі поглядамі і ўяўленнем пра ўладкаванне дзяржавы ці адсутнасці яе. Самае галоўнае – гэта тое, што мы ўмеем і можам аб’яднацца і «ісці ў нагу» ў важныя для народу моманты! Мы можам разам змагацца і перамагчы! Мы слухаем і прыслухоўваемся адзін аднаму! Мы салідарныя ў моманты правакацый! Мы – крутыя беларусы!
Дзякуй усім за ўчорашні цудоўны цёплы і душэўны дзень! Убачымся на наступнай акцыі ўжо ў гэтую нядзелю!
Жыве Беларусь і цудоўныя беларусы!»
3 лістапада ва Вроцлаве прайшла традыцыйная акцыя салідарнасці з беларускім народам.
Беларусы Турцыі віншуюць палітвязняў з днем народзінаў. Напісалі ўсім, хто нарадзіўся ў лістападзе. Верым! Абдымаем! Чакаем!
У нядзелю 24 кастрычніка беларусы Варшавы працягнулі акцыю па напісанні палітвязням.
«Напішы ліст палітвязню» і напісалі больш за пяцьдзясят лістоў усяго за некалькі гадзін!
Гэта значыць, што 55 чалавек атрымаюць маленькую, але такую важную падтрымку ў гэты цяжкі для іх час. Нашы лісты адправіліся ў СІЗА-3 і ВК-4 гарады Гомеля і мы вельмі спадзяемся, што нашы героі іх хутка атрымаюць.
А таксама мы рады паведаміць, што праца па прызнанні ўсіх рэпрэсаваных беларусаў, якія раней не былі прызнаныя палітычнымі зняволенымі, зрушылася з мёртвай кропкі пасля сумеснай заявы грамадзянскіх ініцыятыў, што не можа не натхняць.
Мы – беларусы Варшавы падтрымліваем гэтую заяву і спадзяемся, што ніводны чалавек не будзе забыты.
Разам мы зможам больш – пішыце лісты палітычным зняволеным!
Жыве Беларусь!»
МГМ, belsat.eu