Euronews: Мігранты з Блізкага Усходу не хочуць вяртацца ў Беларусь

На тэрыторыі літоўскай памежнай варты над Нёмнам у раёне Друскінінкай, як і пры іншых пунктах, вырас намётавы гарадок – часовы лагер для затрыманых мігрантаў. Былі і спробы перасекчы мяжу, якая пралягае ўздоўж часткі мяжы Нёмна, уплаў. Літва. 19 ліпеня 2021 года. Фота: ІА / Белсат

Мігранты з Азіі і Афрыкі, якія незаконна праніклі ў Літву праз беларускую мяжу, занепакоеныя рашэннем Вільні адпраўляць іх назад. Яны кажуць, што не хочуць вяртацца ў Беларусь і заклікаюць Еўразвяз дапамагчы ім, паведамляе тэлеканал Euronews.

Раней дзеянні літоўскіх уладаў, якія разгортваюць нерэгулярных мігрантаў у памежных раёнах, падвергнулі крытыцы прадстаўнікі Чырвонага Крыжа, паказаўшы, што яны не адпавядаюць з Жэнеўскай канвенцыі аб статусе бежанца, Хартыі ЕЗ аб асноўных правах, і іншымі дакументамі па правах чалавека.

«Адзін чалавек паказаў нам шлях. Сказаў ісці сюды, сказаў, гэта Нямеччына. Але нас проста падманулі», распавядае мужчына ў рэпартажы Euronews.

«Нам трэба, каб Еўрапейскі Звяз забраў нас адсюль. Мы прыехалі сюды, каб паспрабаваць патрапіць у Еўропу, разумееце? Калі Літва не прыме нас, мы можам сысці. Але Еўропа павінна нам дапамагчы. Ніхто з нас не хоча ў Беларусь, мы хочам у Еўропу – у Нямеччыну ці ў іншую краіну», – кажа мігрант з Ірака.

З пачатку года ў Літву праз Беларусь нелегальна прыбылі больш за 4 тысячы мігрантаў. Літоўскія ўлады абвінавачваюць беларускае кіраўніцтва ў арганізацыі міграцыйнага крызісу, які ў Бруселі называюць правакацыяй рэжыму Лукашэнкі. Эксперты адзначаюць, што пасля леташніх прэзідэнцкіх выбараў і шырокіх унутраных рэпрэсіяў з Менску зыходзіць усё больш пагроз рэгіянальнай бяспецы.

«На ўсю прапагандысцкую моц». Якія пагрозы нясуць заявы пра смерць іракца і чаму эскалацыя будзе працягвацца

Лукашэнка даручыў закрыць кожны метр мяжы. Але пакуль не прыдумаў, як

Гарадзенскі карыдор: як жыхары Іраку прабіваюцца ў Літву праз Беларусь

belsat.eu

Падпісвайся на telegram Белсату

Hавiны