За 6 месяцаў 2024 года ў Беларусі і Расеі былі затрыманыя некалькі дзясяткаў грамадзянаў Латвіі, паведаміла міністр замежных справаў Латвіі Байба Бражэ ў праграме «900 секунд» на канале TV3.
Міністр нагадала, што Беларусь і Расея – краіны падвышанай рызыкі, у якія МЗС Латвіі не аднойчы заклікала не ездзіць.
«Вы рызыкуеце стаць не толькі аб’ектам выведкі з боку службай гэтых краінаў, але і пацярпець ад іншых правакацыяў», – падкрэсліла Бражэ.
Кіраўніца латвійскага МЗС заклікала грамадзянаў усведамляць, што магчымасці аказання дапамогі ў выпадку інцыдэнтаў вельмі абмежаваныя ці ўвогуле адсутнічаюць.
Пра затрыманне і незаконнае ўтрыманне за кратамі ў Беларусі сваіх грамадзянаў заяўляла таксама Літва.
Марыя Міхалевіч belsat.eu