Міліцыянты апублікавалі кадры затрымання мужчыны, які абліў фарбаю аўтамабіль грамадзяніна Расеі. Аўтамабіль на крымскіх нумарах меў Z-сімволіку. Экіпаваныя сілавікі ўчынілі гвалтоўнае затрыманне.
У міліцыю звярнуўся 46-гадовы жыхар Расейскай Федэрацыі, які прыехаў у Наваполацк. Расеец распавёў, што ягонае аўта аблілі фарбаю. Міліцыянты высветлілі асобу падазраванага. Ім быў 53-гадовы жыхар Наваполацку, які працуе на адным з прадпрыемстваў гораду.
Мужчыну схапілі амапаўцы. Яны павалілі яго на зямлю і закавалі ў кайданкі. Пры гэтым распачалі крымінальную справу. Адметна, што сілавікі не паведамляюць пра тое, што аўтамабіль расейца быў з Z-сімволікай.
Алена Аляксандрава belsat.eu