Белгідрамет абвесціў на 5 студзеня штармавое папярэджанне. Сёння чакаюцца працяглыя ападкі: снег, мокры снег, месцамі — з дажджом. А ўжо заўтра прагназуецца рэзкае пахаладанне.
У штармавым папярэджанні Белгідрамету гаворыцца, што 5 студзеня ў краіне чакаюцца складаныя ўмовы надвор’я: працяглыя ападкі (снег, мокры снег, па паўночна-заходняй палове — з дажджом), у асобных раёнах — наліпанне мокрага снегу, на дарогах галалёдзіца, месцамі — парывісты вецер.
Тэмпература днём — ад -3 да +3, па паўднёва-заходняй палове — да 8 цяпла. А ўжо заўтра чакаецца рэзкае пахаладанне, месцамі будзе нават мінус 25.
Міністэрства па надзвычайных сітуацыях папярэдзіла пра магчымыя наступствы непагадзі: пашкоджанні ліній сувязі і электраперадачы, ДТЗ, абрушэнні дрэнна замацаваных канструкцый, падзенні дрэваў.
У МУС заклікалі кіроўцаў рухацца з бяспечнай хуткасцю, вытрымліваць дыстанцыю і абіраць «стрыманы стыль кіравання».
Сяргей Крот belsat.eu
