Беларусь далучыцца да Шанхайскай арганізацыі супрацы (ШАС) у якасці паўнапраўнага чальца ў 2024 годзе. Пра гэта 4 ліпеня падчас брыфінгу паведаміў міністр замежных справаў Індыі Вінай Кумар Агарўаль.
«Лідары віталі падпісанне мемарандуму аб абавязках Беларусі ў рамках уступлення ў якасці дзяржавы-сябра. Працэс уступлення будзе завершаны ў 2024 годзе на саміце ШАС», – сказаў індыйскі міністр.
У сваю чаргу міністр замежных справаў Беларусі Сяргей Алейнік заявіў, што «працэс можа быць завершаны яшчэ да наступнага саміту».
Пакуль Беларусь застаецца назіральніцай пры арганізацыі (з 2015 года). Для ўступлення ў ШАС Беларусі трэба будзе падпісаць шэраг міжнародных дамоваў і выканаць іншыя ўмовы.
Цяпер у Шанхайскую арганізацыю супрацы ўваходзяць Індыя, Іран, Казахстан, Кыргызстан, Кітай, Расея, Пакістан, Таджыкістан і Узбекістан.
Алена Рувіна belsat.eu
