Целы расстраляных і закатаваных расейскімі вайскоўцамі мірных жыхароў дагэтуль знаходзяць на Кіеўшчыне. На гэты момант эксгумавалі больш за 1300 целаў мірных жыхароў, паведамілі ў Міністэрстве ўнутраных справаў Украіны.
Пасля правядзення расследавання на месцы пахавання целы накіравалі ў морг, дзе праводзіліся судова-медыцынская экспертыза.
На гэты момант асобы больш як 200 загінулых не выяўленыя.
Расейскія вайскоўцы пачалі наступ на Кіеўскую вобласць у першы дзень вайны, 24 лютага, а вызваленая вобласць была толькі 2 красавіка. У вызваленых гарадах і вёсках, якія займалі расейцы, былі зафіксаваныя масавыя выпадкі забойства мірных жыхароў.
Алена Рувіна belsat.eu