Суд Гомельскага раёну 1 чэрвеня разгледзеў заяву намесніка пракурора Гомельскага раёну Аляксандра Шынкарова аб прызнанні старонкі Святланы Ціханоўскай у «Інстаграме» экстрэмісцкімі матэрыяламі, паведамляе гомельская раённая газета «Маяк» у сваім тэлеграм-канале.
Суд прыняў рашэнне аб задавальненні заяўленых пракуратурай патрабаванняў.
Падчас праверкі было ўстаноўлена, што на старонку Ціханоўскай у «Інстаграме» з 1,5 тысячамі публікацыяў падпісаныя 153 тысячы чалавек.
Таксама ўстаноўлена, што на старонцы нібыта публікуюцца заклікі да арганізацыі і правядзення незаконных сходаў, мітынгаў, вулічных шэсцяў, дэманстрацыяў, пікетавання і іншай экстрэмісцкай дзейнасці.
За падпіскі на рэсурсы, прызнаныя беларускімі ўладамі экстрэмісцкімі, а таксама за рэпосты іх публікацыяў у Беларусі караюць адміністратыўным арыштам.
Марыя Міхалевіч belsat.eu
