Грамадзянку РФ, палітзняволеную Сафію Сапегу адправяць даседжваць тэрмін у Расею – беларускі бок даў на гэта згоду.
Пра гэта паведамляе выданне Baza са спасылкай на адваката Антона Гашынскага.
Маці дзяўчыны і яе бацька падалі хадайніцтва ў Міністэрства юстыцыі РФ аб пераводзе дачкі ў Расею. Беларускі бок даў згоду, як і сама дзяўчына.
Цяпер сям’я чакае суда ў Расеі, які павінен вызначыць тэрмін адбывання пакарання Сапегі ў РФ. Пасля гэтага яе перавод у іншую краіну стане тэхнічна магчымы.
Соф’я Сапега нарадзілася ў 1998 годзе, вучылася ў Еўрапейскім гуманітарным універсітэце, у ліпені 2021 года планавала бараніць магістарскую дысертацыю. Дзяўчына была затрыманая 23 траўня 2021 году разам з Раманам Пратасевічам у менскім аэрапорце пасля прымусовага прызямлення самалёта «Ryanair».
Сапегу абвінавацілі ў тым, што яна рэдагавала канал «Чорная кніга Беларусі». У траўні 2022 яе прыгаварылі да 6 гадоў калоніі.
Глеб Нержын belsat.eu