Па «справе Каардынацыйнай рады» сілавікі зрабілі каля 200 вобшукаў, паведамляе тэлеграм-канал, зязаны з ГУБАЗіКам.
Як вядома, большасць вобшукаў была праведзеная ў аўторак, 28 лістапада.
Паводле сцвярджэнняў аўтараў канала, у публічным доступе ёсць дадзеныя 60 асобаў, датычных Каардынацыйнай рады (пры гэтым у відэа прагортваюцца твары сябраў КР, узятыя з афіцыйнага сайту арганізацыі). Але ў той жа час вобшукаў «было пад дзве сотні», «а ўсё таму, што ў сілавікоў маецца пашыраны спіс удзельнікаў, а правяраюць яшчэ і ўсе сувязі кшалту сваякоў, сяброў і падзельнікаў».
Як вядома, 28 лістапада сілавікі прыйшлі на адрасы Паўла Латушкі, Сяргея Чалага, Юрыя Губарэвіча, Артура Фінькевіча і прэс-сакратара Ціханоўскай Ганны Красулінай.
Следчы камітэт паведаміў, што ў «справе Каардынацыйнай рады» з’явіліся больш за 100 падазраваных. Як сцвярджаюць у ведамстве, яны атрымалі нейкі пералік «экстрэмістаў» ад асобы, якая вярнулася ў Беларусь праз «камісію для вяртання», піша БелТА.
Раман Шавель belsat.eu
