У менскім Парку Перамогі святкуюць апошні на сёлета буйны беларускі фестываль пад голым небам.
Арганізатавала «Дзень танкіста» кампанія «Wargaming». Партнёрамі фэсту былі ўлады Менску і Міністэрства абароны, таму ўлады уключылі імпрэзу ў асноўны спіс святкаванняў, звязаных з Днём гораду.
«Мы прыйшлі сюды проста так. У нас неўзабаве іспыты, шмат хто сыходзіць з нашага класу. Мы вырашылі адпачыць усе разам. Атрымаць цікавыя эмоцыі, а таксама прызы і падарункі», – распавядалі «Белсату» наведнікі імпрэзы.
Іншыя наракалі на холад і даўгія чэргі да відэагульняў, у якіх даводзілася чакаць па дзве гадзіны.
«Лепш дома пагуляць. Прычым у любую гульню, не толькі тую, якая тут», – казалі госці фэсту.
На сцэне выступілі амерыканскі рок-гурт «The Offspring», расейскія «Звери», украінскія «Воплі Відаплясава» і беларуская «Крамбамбуля».
Фэст скончыцца позна ўвечары святочным феерверкам.