Аб'ектыў 01.10.2019 Страйк студэнтаў ЕГУ – першы ў гісторыі вучэльні


Студэнцкі страйк у Еўрапейскім гуманітарным універсітэце. Гэта першы падобны ўчынак у гісторыі беларускай вучэльні ў выгнанні. Студэнты незадаволеныя павышэннем коштаў навучання пры тым, што якасць адукацыі, іхным меркаваннем, пагаршаецца.

Для 80 адсоткаў студэнтаў Еўрапейскага гуманітарнага ўніверсітэту ў Вільні, кошты на адукацыю падняліся ў сярэднім на 400 еўраў на семестр.

«Гэта непрымальная сітуацыя ў ЕГУ, ува ўніверсітэце, які пазіцыянуе сабе як такі, што пакутаваў ад аўтарытарнага рэжыму ў Беларусі. Але, як нам здаецца, кіраўніцтва ўніверсітэту звяртаецца да аўтарытарных практыкаў кіравання» – кажа прэзідэнт студэнцкага прадстаўніцтва Цімафей Малахоўскі.

Кіраўнік аддзелу камунікацыі і развіцця ЕГУ Максімус Мілта сцвярджае, што да гэтага дыялогу яны гатовыя. Але, маўляў, абураныя студэнты да іх нават не падыходзілі:

«ЕГУ адрознівае ад іншых універсітэтаў Літвы і Беларусі каменны характар. Мы маленькі ўніверсітэт, у нас няма сакратароў, можна вольна падысці – ад дырэктара да прэзідэнта. Ад кіраўніка дэпартаменту да кіраўніка аддзелу. Але гэтага зроблена не было».

Такім чынам, на знак адсутнасці межаў між студэнтамі ды кіраўніцтвам прадстаўнік адміністрацыі нарэзаў торт з нагоды пачатку вучэбнага года ды пачаставаў ім тых студэнтаў, якія вырашылі не адстойваць сваіх правоў страйкам.

Ян Вярбіцкі belsat.eu

Фота: Ганна Русінава

«Мы вельмі раззлаваныя!» Студэнты ЕГУ пратэстуюць супраць «аўтарытарызму» кіраўніцтва

Глядзі таксама
Каментары