«Слугі народу» – першыя і ў Вярхоўнай Радзе (43,9 %). Выбарчыя ўчасткі закрыліся. Нацыянальны экзіт-пол (папярэднія вынікі) сведчыць пра безумоўную перамогу партыі Уладзіміра Зяленскага на выбарах у парламент Украіны. Другая – апазіцыйная платформа «за жыццё» (11,5 %), і трэцяя Еўрапейская салідарнасць Пятра Парашэнкі (8,9 %).
Выбарнікі, Кіеў:
«Няхай гэта будуць людзі новыя, маладыя, без досведу, але поўныя еўрапейскага бачання».
«Я б хацеў, каб скончылася вайна, тады б усё ўстаранілася сітуацыя ва ўсёй краіне. Гэта першае. А другое – я б хацеў каб малы і сярэдні бізнес падтрымлівалі».
Узначалілі спіс паліткансультанты, журналісты, грамадскія актывісты – збольшага без дэпутацкага досведу. Усё, як хацеў нядаўна абраны прэзідэнт.
Уладзімір Зяленскі, прэзідэнт Украіны: «Каб гэта былі толькі новыя твары, ні з кім са старой улады мы шчыра кажучы не бачым кааліцыю».
Прайшлі ў Вярхоўную Раду таксама партыі экс-прэм’ера Юліі Цімашэнка – «Бацьківщіна» і лідара гурта Акіян Эльзы Святаслава Вакарчука – «Голас».
Частка мандатаў размяркоўвалася згодна з мажарытарнаю сістэмаю, а другая – прапарцыйна галасам, пададзеным за спісы кандыдатаў.
Алег Саакян, палітолаг: «Грамадства хоча пераменаў, грамадства гатовае нават адной асобе даверыць гэтыя перамены, што ня ёсць добра з пункту гледжання дэмакратыі, не дыверсіфікуе свае перавагі, але тым ня менш грамадства паказвае што ўжо пераспела гэтымі змяненнямі».
Рэферэндумы, народнае вета на прынятыя законы, змаганне з карупцыяй і абнаўленне ўлады – галоўныя выбарчыя планы «Слугі народу». У асноўным уздымаліся пытанні тарыфаў сацыяльнай галіны, трансфармацыі дзяржапарату…
Алег Саакян, палітолаг: «Усё гэта цягнецца да стварэння пазітыўнага вобразу будучыні, у якой хацелася б жыць грамадзянам Украіны. Ужо стаміліся зацягваць пасы, выгараць эмацыйна ад вайны. Грамадства хоча нейкай мары, нейкага імкнення наперад».
Другое месца заняла апазіцыйная платформа «За жыцця», якую падтрымлівае Усход Украіны. Лідараў партыі Юрыя Бойку і Віктара Медведчука апаненты часцяком вінавацяць у прарасейскіх поглядах. Яны абяцаюць між іншага наладзіць дыялог з Масквою і надаць расейскай мове статус другой дзяржаўнай.
Яўген Магда, палітолаг: «У яе ёсць моцны інфармацыйны рэсурс – прынамсі тры тэлевізійных канала, да таго ж платформа «за жыццё» зʼяўляецца лідарам працягвання «джынсы» у перадвыбарчы перыяд».
Армія, вера, мова і еўрапейская інтэграцыя – прыярытэты трэцяй у рэйтынгу «Еўрапейскай салідарнасці» на чале з папярэднім прэзідэнтам.
Яўген Магда, палітолаг: «Гэтай партыі наканавана эксплуатаваць тэмы якія ідуць уразрэз з асноўным дыскурсам «на новыя твары, і як мы ўсё лёгка зменім. Гэтая партыя не можа сабе дазволіць пустых абяцанняў».
Нашыя паўднёвыя суседзі абіралі датэрмінова. Уладзімір Зяленскі адразу пасля свайго электаральнага трыумфу распусціў Вярхоўную Раду. Першае паседжанне абноўленага парламенту мае адбыцца 31 жніўня.
Юлія Цяльпук, «Белсат»
