На тэлеканале НВО выходзіць апошні эпізод міні-серыялу «Чарнобыль». Мастацкі твор адзначыўся пераказам чарнобыльскай трагедыі як драмы звычайных людзей, а таксама дакладнай дэталізацыяй эпохі позняга СССР.
Рэквізіт для стварэння фільму бралі ў тым ліку на «Беларусьфільме», але асноўныя сцэны здымаліся ў Літве і Кіеве. Прапаноўваю паглядзець, як стваралася літоўская частка самага папулярнага серыялу пра нашую тэхнагенную катастрофу.
Акторы масоўкі і мясцовыя жыхары распавядаюць:
«Я памятаю гэты дзень вельмі добра, у мяне праз некалькі дзён нарадзіўся сын».
«Адгалоскі былі паўсюль, дзе я быў, у Беларусі, у Літве, у Сібіры».
«Я ўзгадваю маладосць і гэтую страшную вестку, якую тады СССР не абвесціў усяму свету, што адбылося».
«Тады ніхто нічога не казаў, што адбылося. Мы даведаліся толькі праз 3-4 дні, калі шведы абвесцілі пра радыяцыю».
«Я сам ледзь не трапіў у ліквідатары Чарнобыля. Ледзь выкруціўся. Мог бы цяпер не хадзіць па зямлі пасля гэтай страшнай аварыі. Усе мае таварышы, што там былі, сышлі».
Джэрэд Гэрыс у ролі прафесара Валерыя Легасава:
«Раней я ведаў пра Чарнобыль толькі тое, што радыеактыўная хмара пралілася над Ўэльсам у Брытаніі, і нельга было есці бараніну і піць малако адтуль некалькі гадоў. Але цяпер я ведаю значна больш».
Стэлян Скашгорд у ролі Барыса Шчарбіны, віцэ-прэм’ера СССР:
«Чарнобыль – гэта не прыклад небяспекі атамнай энергетыкі, гэта прыклад таго, наколькі небяспечным можа быць тып грамадства, пабудаванага на міфах і хлусні».
Юган Рэнк, рэжысёр міні-серыялу «Чарнобыль»:
«Калі я пачынаў гэты праект, я быў прыхільнікам атамнай энергетыкі, бо думаў, што гэта чыстая крыніца электрычнасці. Але цяпер маё стаўленне змянілася. Не думаю, што мы ў стане стрымаць гэтага звера».
Яраслаў Сцешык, belsat.eu