Сілавікі на вуліцах і перакрытыя плошчы – карцінка ўжо звыклая для Менску, як і маршы жанчын у суботы. Сённяшні ўдзельніцы назвалі Генеральным жаночым маршам. Некалькі соцень чалавек вырушылі ад станцыі метро «Усход» у бок цэнтру сталіцы.
«У нас ёсць тры патрабаванні якія ўсе ведаюць – змена ўлады, вызваленне палітвязняў і новыя выбары».«Мы ідзем за гэтым, каб у нас была сапраўдная дзяржава, пабудаваная на салідарнасці, на законнасці, на сумленні тых людзей, якія маюць уладу», – тлумачаць удзельнікі маршу.«Трэба вас падтрымліваць, інакш не будзе Беларусі», – кажа жанчына сталага веку.«Бо ў мяне жонка і дачка, таму я вырашыў, што трэба таксама выйсці падтрымаць. І падстрахаваць таксама», – кажа мужчына, які ўдзельнічае ў маршы.
Насустрач жаночаму маршу студэнты спрабавалі зарганізаваць Марш маладосці. Яго ўдзельнікі мелі збірацца ў некалькіх месцах у цэнтры гораду. Ля корпусу Універсітэту электронікі і радыётэхнікі сабрацца не далі – адразу пад‘ехалі міліцэйскія бусікі.
Ад Лінгвістычнага ўніверсітэту вырушылі каля паўтары сотні студэнтаў, але праз квартал, на вуліцы Казлова, удзельнікаў маршу разагналі сілавікі. Затрымалі, паводле інфармацыі праваабарончага цэнтру «Вясна», каля сарака чалавек, сярод іх – прынамсі трое журналістаў.
Пасля затрыманняў некалькі студэнтаў перакрылі рух транспарту, укленчыўшы на праезнай частцы. Пакуль да іх пад’ехаў аўтамабіль ДАІ, студэнты паспелі ўцячы.
Легендарная Ніна Багінская далучыцца да жаночага маршу здолела:
Ад Лінгвістычнага ўніверсітэту вырушылі каля паўтары сотні студэнтаў, але праз квартал, на вуліцы Казлова, удзельнікаў маршу разагналі сілавікі. Затрымалі, паводле інфармацыі праваабарончага цэнтру «Вясна», каля сарака чалавек, сярод іх – прынамсі трое журналістаў.
Пасля затрыманняў некалькі студэнтаў перакрылі рух транспарту, укленчыўшы на праезнай частцы. Пакуль да іх пад’ехаў аўтамабіль ДАІ, студэнты паспелі ўцячы.
Легендарная Ніна Багінская далучыцца да жаночага маршу здолела:
«Жанчына адказная кожная за сваю сям’ю і за сваю радзіму. Таму хачу падтрымліваць жаночыя рухі перадусім. Таму і хаджу».
Удзельнікі не збіраюцца адмаўляцца ад суботніх маршаў:
«Мы не можам мірыцца, не маем права, бо нашыя дзеці будуць жыць у гэтым далей і ім будзе горш, чым нам».«Не страшна. Чаму? Бо на страху і трымаецца ўвесь гэты рэжым».«Калі выходзяць пенсіянеры, калі выходзяць інваліды, сядзець дома і баяцца? Я не баюся, здаецца, я ўжо адбаялася».
Жаночы марш скончыўся на плошчы Якуба Коласа. Але ўздоўж праспекту да плошчы Незалежнасці адбываўся суботні «дэмарш» – шпацыр жанчын з кветкамі.
Ірына Дарафейчук, «Белсат»
