Аб'ектыў 08.07.2019 Эксгумацыя парэшткаў брата Кастуся Каліноўскага (ФОТА)


У Свіслачы распачалася эксгумацыя парэшткаў Віктара Каліноўскага. Гэта неабходна дзеля таго, каб праверыць, ці не ягонаму брату – Кастусю Каліноўскаму – належаць парэшткі, знойдзеныя два гады таму на Замкавай гары ў Вільні.

Васіль Герасімчык, даследнік паўстання Каліноўскага:

«На цяперашні момант археолагі і антраполагі ў Вільні ўжо фактычна зрабілі пацверджанне гэтага (што Кастусь Каліноўскі сярод паўстанцаў быў пахаваны на Замкавай гары ў Вільні) рознымі дадатковымі фактамі. Але не канчаткова. Заўжды будзе існаваць сумнеў, таму трэба пераканаць насельніцтва, што там Кастусь, параўнаўшы з парэшткамі сваякоў».

За саветамі цікавіліся адно рэвалюцыйнай дзейнасцю лідара паўстання 1863 года Кастуся Каліноўскага – кажа даследнік. Таму сёння складана знайсці нашчадкаў сям’і дзеля генетычнага аналізу.

Хоць сам Васіль Герасімчык кажа, што адну з нашчадкаў знайшоў – яна жыве ў Камянецкім раёне Берасцейскай вобласці. Неспадзяванкаю ў спробе эксгумацыі ў Свіслачы парэшткаў Віктара Каліноўскага можа стацца толькі гістарычная памылка – калі акажацца, што на гэтым месцы пахаваная іншая асоба.

Юлія Цяльпук, belsat.eu

Глядзі таксама
Каментары