У верасні намінальная зарплата працаўнікоў сферы дзяржаўнага кіравання склала 1084 рублі. За год рост склаў больш за 37%.
Госць «Гарачага каментара», былы міністр працы Аляксандр Сасноў адзначае:
«Калі раней улада залежала ў асноўным ад пенсіянераў, то цяпер ад чынавенства. Таму ў чынавенства заробкі растуць хутчэй, чым у астатніх. Пенсіі ў сярэднім павысіліся менш чым на 6%, а рэальным значэнні – яшчэ менш. А ў чынавенства – больш за 37%. Атрымліваецца, што цяпер утрымаць уладу толькі яны і могуць дапамагчы».
Паводле Саснова, нельга разлічваць на тое, што сярэднія заробкі ў Беларусі дасягнуць узроўню ў 1000 рублёў, як гэта абяцаў Аляксандр Лукашэнка.
Цалкам размова – у відэа вышэй.
