Гарачы каментар Перспектыва зоймецца падвышэннем прававой культуры ІП


Напярэдадні чарговага форуму прадпрымальнікаў пад эгідаю «Перспектывы» яе лідар разважае ў «Гарачым каментары» пра важнасць дыялогу з уладамі і тое, чаму зімовае супрацьстаянне ІП не пайшло на карысць нікому.Валер Руселік: Хацелася б адразу пачаць з тэмы форуму: «Прадпрымальнікі і ўлада: адкрыты дыялог па ўмацаванні і развіцці даверу». Пра які давер вядзецца гаворка?Анатоль Шумчанка: Нам заўсёды трэба імкнуцца да лепшага і думаць пра тое, што лепш слухаць і чуць адзін аднаго, чым ісці на супрацьстаянне. Ад зімовага супрацьстаяння не выйграў ніхто: ані пакупнікі, ані прадпрымальнікі, ані мясцовыя бюджэты. Прайграла ўся краіна.Для таго, каб гэтага не было, патрэбны давер, а яго на дадзены момант, практычна вельмі мала: ён ёсць, але вельмі далікатны. Людзі не вераць уладзе, улада не верыць людзям. Мяркую, цяпер найлепшы час для адкрытага дыялогу.Мы не ўпершыню размаўляем пра праблемы прадпрымальнікаў і мірныя спробы дамовіцца з уладамі? Адкуль вы чэрпаеце аптымізм, нягледзячы на тое, што даверу няма, а вынікамі няма як пахваліцца?Мы ж не можам пастаянна супрацьстаяць і жыць у сталым канфлікце ды стрэсе – гэта не нармальная сітуацыя. Хаця да гэтага нас падштурхоўваюць улады, калі разгортваюць супраць нас праверкі, канфіскацыі і падобныя рэчы.Цяпер людзі гандлююць адносна спакойна, калі так можна сказаць. Бо няма прыбытку, сітуацыя цяжкая, але маштабных канфіскацыяў мы не бачым. Але для таго, каб іх не было ў будучыні, трэба праяўляць актыўнасць. Трэба збірацца і размаўляць пра праблемы. Што б нехта не казаў, зімовы ўздым і барацьба – вынік працы «Перспектывы», тых форумаў, якія мы праводзілі, дзе кансалідавалі вялікую частку прадпрымальнікаў. Тая хваля, што мы паднялі, ішла яшчэ вельмі доўга.Гэтай хвалі эфектыўнасць надалі перамовы ці вулічныя акцыі?Трэба глядзець на тое, што было раней. Шэсць гадоў таму «Перспектыва» пачала рабіць форумы – тое, што ніхто не рабіў і, відаць, рабіць не будзе, апроч нас. На форумы прыязджаюць актыўная людзі, якія размаўляюць паміж сабой. Потым яны вяртаюцца ў рэгіёны і вядуць за сабой іншых людзей – вось што было найважнейшае. Тыя людзі, якія былі на форумах, мы потым бачылі па «Белсаце», калі барацьба ішла ў рэгіёнах. Гэта вельмі важнае мерапрыемства.З чым «Перспектыва» пойдзе на форум?Трэба па-ранейшаму абвастраць пытанне вакол указу 222. Нягледзячы на пэўныя поспехі ў прызнанні расейскіх накладных і пастанове Вярхоўнага суду ў справе Паляковай, у нас яшчэ застаюцца пытанні.Ніхто не ведае, але ў Мазыры былі спробы канфіскацыі і нават канфіскацыі тавараў. У нас засталіся праблемы з сертыфікатамі. З 1 ліпеня ўводзяцца электронныя рахункі-фактуры.

Паглядзіце, што адбываецца: няма актыўных дзеянняў і працоўная група чамусьці не збіраецца. Калі мы будзем казаць пра форум, упэўнены, дзяржава будзе рэагаваць і паказаць, што яна таксама зацікаўленая ў супрацы з прадрымальнікамі.

Плён далі і вулічны пратэст, і канструктыўная праца. Агулам тое, што «Перспектыва» падняла людзей на барацьбу – гэта і дало пэўны вынік таго, што мы назіралі ўзімку. Не ўсё, канешне, атрымалася, былі памылкі – мы будзем казаць пра іх на форуме.Наагул, зараз мы збіраемся заняцца падвышэннем прававой культуры прадпрымальнікаў. Трэба больш вучыцца, не баяцца ісці ў суды, адстойваць свае правы, патрымоўваць адзін аднаго і не кідаць у цяжкіх сітуацыях. Толькі ў гэтым выпадку ўдасца адстаяць нацыянальны бізнес.Размаўляў Валер Руселік

Каментары