На застаўцы: Вялікая беларуская рада, якая ініцыявала скліканне Усебеларускага з’езду 1917 года. Фота nn.by
Сабраны ў снежні 1917 г. у Менску Усебеларускі з’езд стаўся самым прадстаўнічым у найноўшай гісторыі Беларусі.
У ім узялі ўдзел дэлегаты ўсіх этнічных рэгіёнаў краіны ад Беластоку да Смаленску і галоўныя палітычныя партыі ды грамадскія арганізацыі. Надзвычайныя падзеі ў Расеі, а менавіта бальшавіцкі пераварот і ліквідацыя дэмакратычнае рэспублікі, павярнулі кірунак Усебеларускага з’езду ад спадзяванняў на аўтаномію ў дэмакратычнай Расеі да абвяшчэння незалежнасці Беларусі.
