Гарачы каментар Магчыма, Астравецкую АЭС будуюць, каб зрабіць бомбу


30 гадоў мінула з дня самай страшнай у гісторыі Беларусі тэхнагеннай катастрофы. Яе наступствы пакрысе ўпісаліся ў нашую штодзённасць, і пра ядравую небяспеку ў краіне пачалі забывацца. «Беларуская зона» штогод скарачаецца – запэўніваюць улады. Між тым законы фізікі сведчаць пра іншае.У выніку катастрофы на Чарнобыльскай АЭС 53 раёны Беларусі былі забруджаныя радыенуклідамі. Паводле стану на 1992 год налічвалася 3,5 тысячы забруджаных радыяцыяй населеных пунктаў, у якіх жыло крыху менш за 2 мільёны чалавек. Да 2015 года іх колькасць скарацілася да дзвюх тысячаў, а жыве ў іх насельніцтва – 700 тысяч чалавек. Поўнае пераадоленне наступстваў Чарнобылю – доля будучых пакаленняў: паўраспад цэзію-137 складае 30 гадоў, стронцыю – да 90 гадоў, амерыцыю – да чатырохсот трыццаці двух гадоў, плутонію – да 24-х тысячаў гадоў. Больш за тое, праз 100 гадоў пасля аварыі на ЧАЭС агульная актыўнасць глебы на забруджаных тэрыторыях Беларусі будзе больш як удвая вышэйшая, чымся ў пачатковы пасляаварыйны перыяд.

«Нашае кіраўніцтва, жадаючы дамагчыся сваёй мэты, не хоча лічыцца ні з чым іншым. Я ведаю якія гэта мэты. Кіраўнік Беларусі ў свой час казаў, маўляў, шкадую, што страціў ядравыя боегалоўкі. Магчыма Астравецкую АЭС будуюць, каб напрацавалася ядравае паліва, а з яго сёння можна зрабіць гэтак званую »брудную бомбу«, але на гэта патрэбны час і ён не  дачакаецца», – заявіў фізік, доктар тэхнічных навук, прафесар Георгій Лепін.

Працяг у відэаматэрыяле!

Каментары