Вяскоўцы Гісторыя з вясковага музею: як у старажытнасці лапацінай забівалі старых і нямоглых


Праграма «Вяскоўцы» хутка, як віхор, перамяшчаецца па Беларусі. Цяпер яе занесла на падворка да самабытнага вясковага мастака і разьбяра па дрэве Івана Супрунчыка. Майстар распавёў вядоўцу праграмы Віктару Шукеловічу, адкуль ён чэрпае натхненне і чым кіруецца ў жыцці.

Вядоўца праграмы сам паспрабаваў свае сілы ў жывапісе ды скульптуры, а таксама наведаў музей, створаны вясковым жывапісцам.

Спадар Іван расказаў незвычайна цікавыя гісторыі з мінуўшчыны сваёй малой радзімы: як вяскоўцы колісь прынялі саву за Божую Маці ды як аднойчы хітрая сялянка ашукала лесніка, паказаўшы яму грудзі. Творца падзяліўся таксама звесткамі пра старадаўні звычай «лапаціны» – аналаг сучаснай эўтаназіі. Даўнейшыя выпадкі, анекдоты, паданні і легенды цяпер знаходзяць сваё адлюстраванне ў працах майстра-самародка.

Падрабязней – у відэа.

Праграма «Вяскоўцы» выходзіць на «Белсаце» кожную сераду а 18:35

 

Глядзі таксама
Каментары