Украінскі «Энергаатам» афіцыйна пачаў будаўніцтва сховішча для адпрацаванага ядравага паліва ў Чарнобыльскай зоне адчужэння. Дзякуючы гэтаму праекту Кіеў зможа спыніць вываз адкідаў на перапрацоўванне ў Расею, і тым самым умацаваць сваю энергетычную незалежнасць ад Масквы. Пра перспектывы беларускай экалагічнае бяспекі ў эфіры «Белсату» разважае прафесар Георгій Лепін.
Галоўная праблема атамнае энергетыкі сёння – няма куды дзяваць адкіды. Практычна на ўсіх станцыях адкіды захоўваюцца на саміх станцыях.
Трэба было спачатку шукаць, дзе будуць захоўвацца адкіды, а потым будаваць станцыі. А атрымалася, што станцыяў набудавалі мноства – а сховішчаў няма.
Усе адкіды – вельмі небяспечныя
Надзейным гэты магільнік не будзе: сховішча павіннае знаходзіцца ў адмысловых грунтовых структурах – гарах або скалах, дзе няма грунтовых водаў; нішто не павінна разносіць гэтыя адкіды.
Усе размовы пра тое, што грунтовыя воды не могуць вынесці плутоній за межы сховішчаў – пустыя размовы. Адпаведна, тое, што хоча зрабіць Украіна – тое ж самае.
Беларусь акружаная магільнікамі.
Побач з нашымі межамі ёсць яшчэ адзін магільнік. Усё, што засталося пасля Ігналінскай АЭС нікуды не было вывезена, і там захоўваецца.
Пра небяспеку, якую рыхтуюць нам суседзі – а таксама мы самі глядзіце ў «Гарачым каментары»
