Шляхцянка Галіна Ляшкевіч-Зяновіч-Альпенская распавяла, з якімі выклікамі сутыкнуліся ейныя продкі за больш як 500-гадовую гісторыю роду, паказала сямейныя рэліквіі і расказала, як яна сама працягвае справу мінулых пакаленняў.
Пінскую шляхту зрабіў вядомай Вінцэнт Дунін-Марцінкевіч. А якою яна была насамрэч?
Госця новага выдання праграмы «Мова нанова» – Галіна Ляшкевіч-Зяновіч-Альпенская. Гісторыя ейнага роду гучыць як своеасаблівая ілюстрацыя да гісторыі Беларусі.
Тут і першая згадка вёскі Альпень, якая адносіцца да 1479 года. Тут і згадка каралевы Боны Сфорца. Тут і змаганне супраць ператварэння касцёлу ў Мядзведзічах у царкву падчас русіфікацыі беларускіх земляў Расейскай імперыяй. Тут і кніга пра Кастуся Каліноўскага, выдадзеная беларускаю лацінкаю ў 1933 годзе ў Вільні. Тут і пагроза трапіць на Калыму за пасаду войта ў міжваеннай Польшчы.
Як пакаленні продкаў спадарыні Галіны здолелі пранесці беларускасць праз стагоддзі? Як яна сама ўспрымае місію захавання гістарычнае памяці?
У граматычнай частцы вядоўца Віктар Шукеловіч распавядзе пра выраз «то бок», які служыць прадметам заўзятых моўных спрэчак.
Прозвішча – рус. фамилия
Сучаснасць = цяперашні час
Нашчадкі – рус. потомки
Непаразуменне – рус. непонимание
Маленства = дзяцінства
Войт = стараста
Прымаўка – рус. поговорка
Выснова = вывад
Прыхільнік – рус. сторонник
Ладзіцца = праводзіцца
Захапляць = зачароўваць
Здрадзіць = прадаць
Вязніца = турма
Рэчы = прадметы
Кшталтаваць = адточваць
Лёс – рус. судьба
Вольнасць = свабода
Ушанаваць = аддаць пашану
Здымкі = фатаграфіі
Ахвяраваць – рус. жертвовать
Асяродак = група людзей, кола
Сябра = член, чалец
Прыгнёт = прыцясненне
Засцянковая шляхта = збяднелая, дробная
Сціплы – рус. скромный
Мець гонар – рус. иметь гордость, честь
Маёнтак = сядзіба
Старажытны = старадаўні
На падставе = на аснове
Дзеяч – рус. деятель
Сварыцца = канфліктаваць
Цаглінка – рус. кирпичик
Каштоўнасць – рус. ценность
Удзельнічаць – рус. участвовать
Пакрыху = патроху, памалу
Кавалачак = кусочак
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.
Калаж з фота: Wikimedia Commons