Калі з’явіцца новы рэдактар на «Еўрарадыё», якое самае ўплывовае беларускае медыя? На паліграфе – Свярдлоў
Ці хацеў бы стацца галоўным рэдактарам на БТ і міністрам інфармацыі Беларусі? Праз дэтэктар хлусні ў праграме «Шчыра кажучы» прайшоў галоўны рэдактар «Еўрарадыё» Павел Свярдлоў.
На пытанне, ці хацеў бы ён зрабіцца міністрам інфармацыі Беларусі, атрымалі станоўчы адказ, але галоўны рэдактар «Еўрарадыё» Павел Свярдлоў лічыць, што станавіцца міністрам інфармацыі варта для таго, каб расфармаваць гэтую структуру:
«Я вялікі прыхільнік рынку, рынкавай эканомікі – і ў тым ліку, каб рынак панаваў у медыях. І рэгуляванне вось гэтае, татальная зарэгуляванасць – яна ні да чаго добрага не вядзе. Яна прывяла да таго, што ў нас ёсць у Беларусі з медыямі цяпер. Ну дык давайце адпусцім, адпусцім гэтую сферу. Я думаю, што ад міністэрства мусіць застацца нейкі аддзел, які займаецца вось менавіта дзяржаўнай бяспекай у найлепшым сэнсе гэтага слова».
Таксама ў праграме «Шчыра кажучы»:
- Якое медыя № 1 сярод незалежных СМІ?
- Чаму галоўнага рэдактара «Еўрарадыё» ледзь не змянілі на пачатку года?
- Ці падазрае некага з незалежных беларускіх журналістаў у супрацы з сілавымі структурамі Лукашэнкі?
