Скандал у зале суда – замест таго, каб сказаць апошняе слова, беларус памачыўся на суддзю! У дадатак асуджаны на момант здзяйснення злачынства… яшчэ не нарадзіўся!
«Хай так TV» падслухаў супрацоўніка ГУБАЗіКу, атрымаў запіс прапагандысцкае песні пра вяртанне беларусаў з-за мяжы і пабываў на скандальным судовым паседжанні.
Нашыя вядоўцы Міхась Зуй, Кацярына Ваданосава і Дзяніс Дудзінскі прааналізавалі навіны Беларусі, паказалі беларускіх Хагі Вагі і Кісі Місі, уявілі рэакцыю генералаў NATO на бравурную заяву пра мабілізацыйную гатовасць РБ і паразважалі, што пасля аптэчкі прынясе тату Коля Лукашэнка.
Таксама ў новым выданні сатырычнага шоу «Хай так TV»:
- Беларусы і натаўскія генералы выціраюць пот: рэжым спраўдзіў звесткі 85 % ваеннаабавязаных
- Зарплата своечасова! Грамадзянаў будуць абараняць без іхнага ўдзелу
- Закон аб канфіскацыі маёмасці – каму давядзецца перахаваць кватэры?
- Нарадзіць дзіця, зварыць боршч, вывучыць урокі – што яшчэ ўмеюць відэазвароты Аляксандра Рыгорыча?
- «Гарызонт» асвоіў вытворчасць чацвёртых «макаў»
- Акторы-здраднікі! Заканадаўчая кінаініцыятыва дэпутата Дзярждумы
- «Жадаю вам дажыць да суда». Песня-віншаванне прыслужнікаў рэжыму
Сатырычнае шоу «Хай так TV» глядзіце кожную суботу на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.
Калаж з фота: Alina Zienowicz Ala z / Wikimedia Commons
