Грузінскія медыі паведамляюць, што праз моцную залеву ўначы з суботы на нядзелю ў Тбілісі загінулі не менш за 8 асобаў. У цэнтры сталіцы Грузіі падтопленыя дзясяткі будынкаў, у некаторых месцах затапіла скляпенні ды першыя паверхі дамоў.
Моцны лівень абрынуўся на Тбілісі ўночы ды заліваў горад цягам некалькіх гадзінаў. У затопленых дамах і праз апоўзні загінулі 8 асобаў, яшчэ тры лічацца зніклымі.
Праз залеву павысіўся ўзровень вады ў рацэ і часткова затопленая тэрыторыя Тбліскага заапарку. Адтуль уцяклі 6 львоў, 6 тыграў, сем мядзведзяў і дзясятак ваўкоў. Ратаўнікі разам з ветэрынарамі намагаюцца знайсці драпежнікаў.
МЛ, belsat.eu
Фота szona.org