Шэраг украінскіх медыяў перадае інфармацыю пра атакі расейскіх штурмавікоў на пазіцыі ўкраінскага войска. Гэта пацвердзілі некалькі крыніцаў на лініі фронту, аднак афіцыйна гэтую інфармацыю зняпраўджваць.
У паведамленнях пра авіяўдар медыі спасылаюцца намесніка камандзіра роты 40-га батальёну старэйшага лейтэнанта Ламакіна, які цвердзіць, што авіяўдар нанеслі каля 14 гадзіны па апорным пункце пад Дэбальцава. «Нам неабходнае прыкрыццё ад авіяўдараў. Гэта ўжо другі налёт за дзень», – заявіў Ламакін.
Журналіст Пятро Шуклінаў, які знаходзіцца ў зоне АТА пацвярджае гэтую інфармацыю ў сацыяльных сетках.
Намеснік камандзіра батальёну «Крыўбас» Юрый Сянькоўскі заявіў, што ягоны батальён абстралялі адразу шэсць расейскіх штурмавікоў: два абстралялі апорныя пункты, яшчэ чатыры – ваколіцы Дэбальцава.
Тым часам у Штабе АТА гэтую інфармацыю зняпраўджваць. «Мы не пацвярджаем. Больш за тое, там цяпер надвор’е не лётнае. Гэта немагчыма», – заявіў прэс-сакратар Андрэй Лысенка.
[vc_single_image image=”1″ img_size=”large”]
У раёне Дэбальцава працягваюцца зацятыя баі. Прарасейскія баевікі імкнуцца «замкнуць кацёл», узяўшы ў акружэнне тысячы ўкраінскіх вайскоўцаў. Пасля першай няўдалай спробы тэрарысты перагрупаваліся, ды працягнулі артабстрэлы пазіцый украінскіх сілавікоў.
Апошнімі днямі абстрэлы ўзмацніліся, а прарасейскія медыі паведамляюць пра тое, што «кацёл замкнулі». На фоне бліжэйшых перамоваў у «Нармандскім фармаце» такое развіццё падзеяў было б вельмі выгодным для Уладзіміра Пуціна. Некалькі тысячаў украінскіх вайскоўцаў апынуліся б фактычна закладнікамі і Масква атрымала б магутны козыр у перамовах і Пуцін мог бы выставіць самыя жорсткія ўмовы ў абмен на «калідор» для вайскоўцаў.
«Адказ будзе хуткім»
«Я мяркую, што калі Пуцін будзе выкарыстоўваць паветраныя сілы, то рэакцыя Амерыкі будзе хуткай», – заявіў экс-амбасадар ЗША ва Украіне Джон Хэрбст ў эфіры праграмы ТСН. Ён заўважыў, што вайна ва Украіне становіцца «ўсё больш адкрытаю» ды не сумняецца ў беспасярэднім удзеле Расеі.
Аднак дагэтуль ЗША абмяжоўваюцца санкцыямі супраць Крамля. Пастаўкі зброі ва Украіну застаюцца пад пытаннем, тым не менш адміністрацыя Оўбамы разглядае і такі варыянт. Супраць паставак зброі выступае Нямеччына, адзін з галоўных хаўруснікаў ЗША ў Еўропе.
МЛ, belsat.eu
