Жывёліна трапіла ў пастку паміж бляшанай агароджай і плотам з сеткі-рабіцы на тэрыторыі віцебскага радзільнага дому №2. Пра гэта супрацоўнікам МНС паведаміў мясцовы жыхар, які прыйшоў праведаць жонку.
Спрабуючы вырвацца, казуля падрапалася аб металёвыя канструкцыі.
Ратавальнікі вызвалілі жывёліну і адвезлі ў заапарк, каб ёй аказалі медычную дапамогу. Агляд ветэрынараў выявіў, што яна цяжарная.
Гэта не першы выпадак у Віцебску, калі дзікія жывёліны здзіўляюць мясцовых жыхароў сваім зʼяўленнем. Напрыканцы красавіка з Заходняй Дзвіны тут вылез лось і пайшоў гуляць па галоўнай плошчы.