Сёння, 23 снежня, Аляксандр Лукашэнка праводзіць нараду чальцоў Канстытуцыйнай камісіі і працоўнай групы па дапрацоўцы праекту Канстытуцыі.
Паведамляецца, што гэтая нарада будзе фінальнай, пасля якой плануецца вынесці праект Асноўнага закона на грамадскае абмеркаванне, а затым – на рэферэндум.
«Дзень-два выпраўляем памылкі, расстаўляем коскі, выносім на абмеркаванне цяперашні праект Канстытуцыі», – сказаў Лукашэнка падчас нарады.
Таксама на сустрэчы Лукашэнка заявіў, што пасля перыяду агульнага абмеркавання праекту Канстытуцыі працоўная група збярэцца яшчэ раз. Пасля гэтага пройдзе яшчэ адзін сход з Канстытуцыйнай камісіяй ужо з гатовым праектам. Пасля таго, як Канстытуцыйная камісія разгледзіць вынікі працы працоўнай групы, зацвердзіць іх, плануецца вынесці праект Канстытуцыі на рэферэндум.
АД, belsat.eu