Ахвярамі ўзброенай агрэсіі РФ супраць Украіны паводле звестак на раніцу 23 красавіка сталі 595 дзяцей. Пра гэта паведамляе Офіс генеральнага пракурора ў Telegram.
Афіцыйная колькасць загінулых дзяцей за апошнія два дні не змянілася – 208. Вырасла колькасць параненых – 387.
«Гэтыя лікі не канчатковыя, бо працягваецца праца для выяўлення іх у месцах актыўных баявых дзеянняў на часова акупаваных і вызваленых тэрыторыях», – гаворыцца ў паведамленні.
У выніку штодзённых бамбаванняў і абстрэлаў расейскімі войскамі ўкраінскіх гарадоў і вёсак пашкоджаныя паўтары тысячы навучальных установаў. Пры гэтым 102 з іх разбураныя цалкам.
Між тым полк «Азоў» апублікаваў відэа, дзе паказаныя мірныя жыхары Марыупалю, якія хаваюцца на заводзе «Азоўсталь». Сярод іх ёсць і дзеці.
Ролік мае назву «Забытыя светам, але не «Азовам».
ПС belsat.eu