Уначы 22 студзеня ва Украіну прыбыла першая партыя амерыканскай зброі, накіраванай туды паводле загаду прэзідэнта ЗША Джо Байдэна. Пра гэта паведамляе амбасада ЗША ў Кіеве.
«Гэтая пастаўка – як і 2,7 млрд долараў дапамогі з боку ЗША з 2014 году – дэманструе прыхільнасць ЗША ў дапамозе Украіны і ва ўмацаванні яе абароны перад расейскай агрэсіі, якая нарастае», – гаворыцца ў паведамленні амерыканскай амбасады.
Пастаўка ўзбраення адбылася на фоне паведамленняў пра магчымае ўварванне Расеі ва Ўкраіну. Паводле звестак заходніх СМІ, да мяжы краіны перакінулі больш за 100 тысяч расейскіх вайскоўцаў. 10-20 лютага на паўднёвых і заходніх межах Беларусі маюць адбыцца пазапланавыя расейска-беларускія вучэнні «Саюзная рашучасць – 2022».
21 студзеня Лукашэнка заявіў, што Беларусь і Расея не хочуць вайны, але калі супраць Саюзнай дзяржавы пачнуць разгортваць арміі, ставіць на мяжу выжывання санкцыямі, запалохваць і пагражаць, то Беларусь і Расея тады «ламануць так, што мала не здасца».
ЗК belsat.eu