Мірныя жыхары, якія размяшчаліся ў тэатры, засталіся жывыя. Завалы пачалі разбіраць.
Пра гэта паведаміў украінскі дэпутат Сяргей Тарута.
Удзень 16 сакавіка ў Марыупальскі драматычны тэатр трапіла магутная расейская авіябомба. У тэатры часова размяшчаліся некалькі соцень жыхароў, якія страцілі дамы пасля абстрэлаў. Сярод іх шмат жанчын і дзяцей. У выніку трапляння бомбы была знішчаная цэнтральная частка будынку, абломкі заблакавалі ўваход у бамбасховішча. Ці выжылі людзі, доўгі час было невядома.
Нагадаем, Марыупаль застаецца ў аблозе пад няспынным бамбаваннем расейскай арміі.
РР belsat.eu