Амерыканскі часопіс «The Economist» склаў рэйтынг саюзных для прэзідэнта Расеі Уладзіміра Пуціна краінаў. У спіс увайшлі 12 краінаў, першае месца з якіх заняла Беларусь, уладу ў якой утрымлівае рэжым Аляксандра Лукашэнкі.
Другое месца ў Арменіі, трэцяе – у Кыргызстану. Чацвёртае месца дзеляць Казахстан, Таджыкістан і Іран. Пяць з шасці гэтых краінаў належаць да АДКБ, адзначае выданне.
Сёмы радок падзялілі Кітай, Венесуэла і Сірыя, а замыкаюць рэйтынг Нікарагуа, Індыя і Узбекістан.
Агулам свой спіс «The Economist» ахарактарызаваў як «кааліцыю няўдачнікаў, аб’яднанне савецкай настальгіі і банду апартуністаў».
Выданне адзначае, што ў дыпламатычным плане Расея ізаляваная, і толькі чатыры краіны (Беларусь, Нікарагуа, КНДР і Сірыя) паслядоўна галасавалі супраць рэзалюцыяў Генеральнай асамблеі ААН, што асуджаюць палітыку Расеі ва Украіне з 2014 года.
Праўда, Паўночная Карэя пры гэтым у спіс саюзнікаў не ўвайшла.
Якуб Хруст belsat.eu