Памятны канверт, падпісаны Лукашэнкам
У беларускай амбасадзе ў Кітаі правялі гашэнне памятнага канверту з нагоды візіту ў Паднябесную Аляксандра Лукашэнкі.
Удзел у мерапрыемстве ўзялі амбасадар Беларусі ў Кітаі Кірыл Руды і кітайскі амбасадар у нашай краіне Цуй Цзы Мін.
На вонкавым баку канверту размешчаная фатаграфія кіраўніка Беларусі ды ягонае ўласнаручнае кароткае пасланне «Кiтайскiм сябрам з пажаданнямі дабрабыту» з подпісам, а таксама марка Пошты Кітая.
Памятны канверт выдадзены накладам 50 тыс. асобнікаў.
НМ, belsat.eu, паводле БелТА