Намесніка Міністра транспарту і камунікацыяў звольнілі ў сувязі з невыкананнем абмежаванняў, звязаных з дзяржаўнай службай. Пра гэта паведамляецца на сайце Савету Міністраў.
Нагадаем, што падчас паслання да беларускага народу і Нацыянальнага сходу Аляксандр Лукашэнка моцна крытыкаваў Міністэрства транспарту і самаго міністра Анатоля Сівака.
«Я шчыра скажу, што ўжо блізкі да таго, каб Сівака адправіць туды ж, куды і міністра лясной гаспадаркі. І шчыра кажу, што вашае міністэрства самым жорсткім чынам знаходзіцца ў цэнтры ўвагі праваахоўнай сістэмы цалкам», – пагражаў Лукашэнка.
Міністра Лясной гаспадаркі Міхася Амельяновіча звольнілі ў лютым гэтага году за непрыняцце належных захадаў па барацьбе з карупцыяй і эканамічнымі правапарушэннямі.
ГА, belsat.eu