Абраная прэзідэнтка Беларусі Святлана Ціханоўская сустрэлася Наталляй Пінчук, жонкай Нобэлеўскага лаўрэата, палітвязня Алеся Бяляцкага. Аб гэтым паведамляе афіцыйны Twitter лідаркі беларускіх дэмсілаў.
30 сакавіка адбылася сустрэча лідаркі дэмакратычных сілаў Беларусі Святланы Ціханоўскай з Наталляй Пінчук, чый муж – Нобэлеўскі лаўрэат, праваабаронца, стваральнік праваабарончага цэнтру «Вясна» – Алесь Бяляцкі зараз знаходзіцца ў лукашэнкаўскай вязніцы па несправядлівым, палітычна матываваным прысудзе.
«Сёння мела гонар паразмаўляць з Наталляй Пінчук. І пры асабістай сустрэчы яшчэ раз пераканалася, якая ж гэта мужная, смелая жанчына з добрым сэрцам. Я ведаю, што гэта такое, калі твой муж за кратамі, калі не ведаеш, як ён сябе адчувае і як яму дапамагчы. І мяне сапраўды натхняе, што нягледзячы на выпрабаванні, Наталля не ачарсцвела і не паказвае нават стомленасці. Яна выпраменьвае столькі неймавернай цеплыні, што і мне становіцца лягчэй. Захапляюся яе сілай і сілай Алеся Бяляцкага. Гэтыя людзі – сапраўдны гонар Беларусі»«, – гаворыцца ў паведамленні.
«Белсат» паведамляў, што 29 сакавіка Святлана Ціханоўская і Наталля Пінчук выступілі на Саміце за дэмакратыю, які арганізоўваў Белы дом пад патранатам Джо Байдэна. Прадстаўніцы Беларусі распавялі пра сітуацыю ў нашай краіне і барацьбу за дэмакратыю.
26 сакавіка на«Белсаце» выйшла інтэрв’ю з Наталляй Пінчук.
Антон Тачняк belsat.eu
