Жыхары стаяць ля свайго будынку пасля выбуху збітага расейскага беспілотніка ў двары ў Кіеве. Камандаванне Паветраных сілаў ЗСУ адзначыла, што Расея выпусціла па Украіне рэкордную колькасць беспілотнікаў Shahed-131/136 з пачатку вайны. З 75 штурмавых БЛА супрацьпаветраная абарона Украіны знішчыла 74. Вядома пра 5 пацярпелых у сталіцы, сярод іх 11-гадовае дзіця. Кіеў, Украіна. 25 лістапада 2023 года.

Від з вышыні на апоўзень у раёне Калявэрас (Calaveras) у Гватэмале. Прынамсі шэсць чалавек зніклі без вестак пасля апоўзня на схіле пагорку, дзе жывуць бедныя сем’і ў хісткіх дамах у Гватэмале, Рэспубліка Гватэмала. 22 лістапада 2023 года.

З паветра бачныя шматлікія варонкі ад абстрэлаў на лініі фронту недалёка ад Бахмуту, Данецкая вобласць, Украіна. 22 лістапада 2023 года.

Балотная сава (лат. Asio flammeus) дэманструе вялізны размах крылаў, пралятаючы міма і гледзячы на фатографа. «Я добра памятаю момант, калі сава заўважыла мяне – нягледзячы на тое, што я быў добра схаваны і выкарыстоўваў камеру ў бясшумным рэжыме, іх выдатныя органы пачуццяў усё роўна мяне выявілі. Момант сувязі паміж мной і савой быў сапраўды бясцэнным» – падзяліўся фатограф. Павет Сара, Вялікая Брытанія.

Жаўнер ушаноўвае памяць салдатам «Нябеснай сотні», якія загінулі падчас Еўрамайдану ў 2014 годзе, у дзясятую гадавіну пачатку пратэстаў. Кіеў, Украіна. 21 лістапада 2023 года.

Аўтамабіль «Чырвонага крыжа» з ізраільскімі закладнікамі, вызваленымі «Хамасам» у рамках чатырохдзённага спынення агню, перасякае памежны пункт Рафах у сектары Газа. Баевікі «Хамасу» агулам павінны вызваліць 50 ізраільцянаў, узятых у закладнікі 7 кастрычніка, Ізраіль – 150 палестынскіх жанчын і падлеткаў, якія знаходзяцца ў ізраільскіх турмах. сектар Газа, Палестынская аўтаномія. 24 лістапада 2023 года.

Члены Групы па выратаванню жывёлаў у выпадку стыхійных бедстваў (GRAD) аглядаюць абязводжаную Кайманавую яшчарку пасля выратавання з тэрыторыі велізарнай балоцістай нізіны Пантана (Pântano) пасля пажару. Паканэ (Poconé), Бразілія. 22 лістапада 2023 года.

Мужчыны нясуць свае рэчы па разбуранай частцы дарогі праз моцныя дажджы, якія прывялі да гібелі дзясяткаў людзей, пакінуўшы тысячы іншых перасяленцамі, у Кеніі. 22 лістапада 2023 года.

Дзеці выпускаюць ліхтары падчас Фестывалю святла у горадзе Таўнджы (Taunggyi), М’янма. 21 лістапада 2023 года.