Беларусь запрасіла экспертаў Камітэту сусветнай спадчыны ЮНЭСКО і Міжнароднага звязу аховы прыроды наведаць Белавежскую пушчу.
Плот на мяжы Польшчы і Беларусі.
Фота: Straż Graniczna / Twitter
«Запрошаныя спецыялісты маюць ацаніць негатыўнае ўздзеянне агароджы, пабудаванай у запаведным лесе», – піша МЗС Беларусі.
Пра гэта распавёў намеснік старшыні сталага прадстаўніка Беларусі пры ЮНЭСКО Кірыл Грушэўскі 16 лістапада.
А 15 лістапада нелегальна трапіць у Польшчу з Беларусі спрабавала 71 асоба, паведамляе Польская памежная ахова. Сярод іх былі грамадзяне Іраку і Ірану. 43 асобы павярнулі назад у Беларусь, калі ўбачылі патрулі. Некаторыя мігранты кідалі з-за плоту, на які скардзіцца Грушэўскі, падпаленыя палкі і камяні ў польскіх памежнікаў.
Арсен Рудэнка belsat.eu
