Ва Украіну не пусцілі беларускага музыку і літаратара Алеся Плотку, хоць у яго ёсць украінскі від на жыхарства, паведаміў ён на сваёй старонцы Facebook. Інспектар памежнай службы выдаў яму рашэнне аб адмове.
«Калі твой кум – кіраўнік СБУ ў Львове, патэлефануйце яму і папытаеце, каб мяне пусцілі ва Украіну да адпраўлення Пшэмысльскага цягніка а 19:10», – пракаментаваў Алесь Плотка.
У якасці падставы для адмовы Алесь называе «недастатковасць прычынаў для ўезду», хоть мэтай візіту былі праекты на карысць Украіны.
«Мэтай візіту былі новыя кантакты, валанцёрскія дзеянні і праекты на карысць Украіны, якія я дакладна прагаварыў і патлумачыў і таму гэта даволі крыўдна, бо я не займаюся вайсковым турызмам у гэты цяжкі час. Але што ж, Украіне таксама бывала значна болей балюча ад дзеянняў, звязаных з Беларуссю», – распавёў Плотка радыё «Свабодзе».
Ён просіць не рабіць глабальных высноваў з навіны і дадае, што ў беларусаў і ўкраінцаў «вораг застаецца агульным, а з бардаком неяк разбярэмся».
Плотка жыў ва Украіне два гады, да траўня 2022 году. Пасля пачатку поўнамаштабнай вайны ва Украіне некаторы час валанцёрыў у Львове і плёў камуфляжныя сеткі. Цяпер ён жыве ў Вільні.
Алена Рувіна belsat.eu
