У Менску кіраўнік Менгарвыканкаму Уладзімір Кухараў падпісаў пагадненне аб супрацы прадстаўніком акупаванага расейцамі Севастопалю Міхаілам Разважаевым. Так званы губернатар крымскага гораду назваў падпісанне дакументу гістарычным момантам, паведамляе прэс-служба ўрада анексаванага рэгіёну.
10 верасня кіраўнік Менгарвыканкаму Уладзімір Кухараў зладзіў сустрэчу з так званым губернатарам Севастопалю Міхаілам Разважаевым.
«Мы даўно вялі перамовы з Горадам-героем Менскам, каб падпісаць дамову аб супрацы. Вядзецца пра эканамічны кірунак – экспарт і імпарт прадукцыі, гарадской гаспадарцы і аб гуманітарнай сферы – супрацы ў галіне культуры, адукацыі, навукі, моладзевай палітыкі, патрыятычным выхаванні», – заявіў Міхаіл Разважаеў.
Кіраўнік Менгарвыканкаму Уладзімір Кухараў распавёў, што на сустрэчы падпісалі вялікую колькасць дакументаў.
«Усе сустрэчы прайшлі на вельмі высокім узроўні, і сёння мы з упэўненасцю глядзім наперад», – сказаў кіраўнік Менгарвыканкаму.
Адметна, што Беларусь афіцыйна не прызнае анексію Крыма. Лукашэнка на словах выказваўся, што Крым – расейкі, але пры гэтым так і не наведаў акупаваны рэгіён.
Алена Аляксандрава belsat.eu
