Кіраўнік Федэральнага праекту бяспекі і барацьбы з карупцыяй Віталь Барадзін звярнуўся ў Генеральную пракуратуру РФ з просьбаю прызнаць замежным агентам народную артыстку Расеі Лію Ахеджакаву. Чыноўнік таксама патрабуе завесці крымінальныя справы супраць вядомай акторкі, паведамляе рэсурс «Кровавая барыня».
Генеральная пракуратура Расеі атрымала зварот з просьбаю прызнаць замежным агентам народную артыстку РФ Лію Ахеджакаву, а таксама пазбавіць яе ўзнагародаў і ганаровых званняў. Ініцыятарам звароту ў пракуратуру выступіў кіраўнік Федэральнага праекту бяспекі і барацьбы з карупцыяй Віталь Барадзін.
Расейскі чыноўнік лічыць, што Лія Ахеджакава фінансуе Збройныя сілы Украіны. Таму, на ягоную думку, супраць акторкі трэба завесці крымінальныя справы за здраду дзяржаве, дыскрэдытацыю арміі і распальванне варожасці.
Лія Ахеджакава рэгулярна выказвалася супраць вайны Расеі ва Украіне. За гэта яе звольнілі з тэатру «Сучаснік». Аднак на гэтым пераслед не спыняецца.
Алена Аляксандрава belsat.eu
