Гандбол
Бліскучы выступ нацыянальнай жаноцкай зборнай Беларусі па гандболе ў другім адборачным турніры да чэмпіянату свету-2017. Адну з групаў кваліфікацыі прымаў менавіта Менск.
Біятлон
Заключныя гонкі першага этапу Кубка свету па біятлоне, які праходзіў у шведскім Эстэшундзе, не дадалі новых п’едэсталаў беларусам, але поспехам можна лічыць 10-ае месца Надзеі Скардзіны ў гонцы пераследу, хаця стартавала яна пад восьмым нумарам і дапусціла адную хібу на чацвёртым агнявым рубяжы.
Хакей
Нашае «Дынама» зноў прагуляла ў чэмпіянаце Кантынентальнай хакейнай лігі. Амаль пры аншлагу на «Менск-Арэне» беларуская каманда зазнала паразу ад магнітагорскага «Металурга» з лікам 2:4, аддаўшы суперніку ўжо стартавы перыяд 0:2.
