З пачатку лета беларускім турыстам будзе неабходна медычная страхоўка на ўвесь перыяд знаходжання ў Грузіі.
Мінімальны страхавы пакет павінен уключаць:
– 5000 долараў / еўра – экстраныя амбулаторныя паслугі;
– 30 000 долараў / еўра – паслугі стацыянараў.
Колькі каштуе страхоўка?
Кошт поліса залежыць ад тарыфаў страхавой кампаніі, умоў страхавання, узросту турыста, перыяду дзеяння і шэрагу іншых фактараў. Страхоўка можа быць аформлена на любой з трох моў: рускай, англійскай або грузінскай.
Якія штрафы?
Згодна з законам, пры адсутнасці страхоўкі прадугледжаны наступныя штрафы:
– 300 лары;
– 600 лары неабходна заплаціць, калі штраф не выплачаны ва ўстаноўлены тэрмін;
– 900 лары ў выпадку, калі штраф не выплачаны праз месяц пасля ўсталяванага тэрміна.
Афармляць страхоўку рэкамендуецца не пазней як за 5 дзён да ўезду ў Грузію.
Нагадаем, Грузія застаецца адным з самых папулярных турыстычных напрамкаў для беларусаў.
Ася Саковіч belsat.eu
