Юры Варонежцаў

Нягледзячы на тое, што Аляксандра Лукашэнку чакалі ў Бруселі на саміце Усходняга партнёрства, ён абраў іншы накірунак для візіту. Кіраўнік краіны наведаў Буда-Кашалёўскі раён. Быў у мясцовым доме культуры, які дарэчы свежа пафарбавалі ўласна з гэтай нагоды, ды ў раённай паліклініцы. Дзе, між іншага, нахвальваў узровень айчыннай медыцыны. Што праўда, не ўсе згодныя з падобнымі заявамі і цвердзяць, што лячыць хутка будзе няма каго. Можа таму што не карыстаюцца шпіталямі для чыноўнікаў?

Тым часам, увагі віцэ-віцэ-прэмʼера і сурʼёзных зменаў патрабуе сфера аховы здароўе. Паход да лекара, які можа толькі пагоршыць, калі не здароўе, то дакладна самаадчуванне і псіхалагічны стан. У анкалагічным дыспансеры ў Бараўлянах пацыенты праводзяць у чэргах нават да шасці гадзінаў. Фотаздымак у медычнай установе зрабіў прадпрымальнік Віктар Ганчароў, ягоны эмацыйны допіс у сацсетцы закрануў за жывое тысячы беларусаў.

У студыі «Людскіх справаў» тэму абмяркоўваюць прафесар, інфекцыяніст Ганна Ключарова і прадстаўніца РГА «Здароўе – дзецям» Вольга Тарасенка.

Савет Міністраў вырашыў скараціць колькасць населеных пунктаў, якія адносяцца да забруджанай радыяцыяй зоны – адпаведны статус перастане мець 31 тыс. чалавек. Пра тое, хто пацерпіць ад гэтага рашэння найбольш, у «Гарачым каментары» разважае Юры Варонежцаў, фізік, грамадскі дзеяч, сябра арганізацыі «Навукоўцы за без’ядзерную Беларусь»