Сяргей Дзенісенка

Гэтая зброя можа разбурыць атамную электрастанцыю, справакаваць экалагічную катастрофу і выклікаць паніку цэлай краіны. Яна дзейнічае імгненна – без ракетаў і выбухоўкі. Яна – паўсюль, дзе ёсць інтэрнэт. Вітаю, спадарства, з вамі Яраслаў Сцешык, а на «Белсаце» – «Глабальнае пытанне». І сёння мы пагаворым пра кібератакі і кібербяспеку па ўсім свеце і ў нас, у Беларусі.

Калі вы апошні раз выходзілі з дому без мабільніка? А каб даведацца прагноз надвор’я, вы ўключаеце тэлевізар, – ці хутка спраўджваеце інтэрнэт? Пагадзіцеся, сёння цяжка ўявіць сабе жыццё без глабальнага інфармацыйнага сеціва. Сёння мы пагаворым не проста пра інтэрнэт – мы заглыбімся ў яго змрочную і не зусім легальную частку – у даркнэт.