Сіняло

Гектары сажалак у сапраўднасці – месца збору каналізацыйных сцёкаў усяго Менску. Сёння гэта прычына канфлікту паміж уладамі ды мясцовымі жыхарамі.

Увосень нашая праграма распавядала пра праблемы вяскоўцаў, дамы якіх стаяць побач з каналізацыйнымі адстойнікамі Менску.

Тры з паловаю тысячы подпісаў супраць будаўніцтва новых рэзервуараў для каналізацыйных сцёкаў сабралі жыхары Менскага раёну. Ім не падабаецца, што Менскводаканал і гарбарны завод жадаюць узвесці два новыя аб’екты. Людзі кажуць, што ад смуроду ўжо існых пакутуюць жыхары не толькі найбліжэйшых вёсак Менскага раёну, але і раёнаў сталіцы – Лошыцы ды Чыжоўкі.